denn gib mer zerscht mol e handfeschti definition vo kommerz
falls das nöd definition söl si:
"Als „kommerziell“ bezeichnet man Unternehmungen jeglicher Art, deren Motivation und Zweck die direkte oder indirekte wirtschaftliche Gewinnerzielung ist. "
jo da stimmt jo. kommerz isch wenn du mit öppisem geld verdiensch, öb da jetzt selber presste o-saft wod vor dinere huustür verchaufsch oder ä band wo eri musik uf cd presst und in lade stellt isch...
wenn ä band än plattevertrag animmt und eri lieder ufnehmet zums uf cd presse und in lade stelle, denn isches doch dmotivation "geld verdiene" do. si chönted eri lieder au als mp3 uf eri website tue und zum gratis download abüte, da isch den nöd kommerz...
jo viel spass bim versueche mitme 0 budget gueti ufnahme z mache.. und die denn au no z verbreite. git scho bands wo da schaffed, zb machinae supremacy, aber isch hald nöd immer ganz so eifach
plattefirmene sind übrigens au nöd bös. das isch eifach so es blöds umegejammer vo lüt wo kei ahnig händ.
jo ok, aber sobald hald geld demit verdient wird und seis nume drum zum usgobe wider inezhole, isches kommerziel. äs git vil lüt wo mit erem hobby kei geld verdienet sondern recht vil usgobe händ, die betribets denn äbä nöd kommerziel...
ich würd säge wenn du choschtedeckend schaffsch, de grund für d'arbeit also nöd s'geld verdiene isch isches nöd komerziell, noch de definition das kommerz isch wenn d'motivation oder de zweck öppis zmache geld zverdiene isch.
d'assassins bezeichne ich jetzt z.b. nöd als komerzielle lan-verastalter, wel ihri motivation und zweck vo de lan isch nöd geld verdiene
kommerziel isch für mi nöd dmotivation zum geld verdiene, sonder mit öpisem geld mache! du chasch musik mache, die ufneh (wenn halt au nöd i gueter qualität) und si uf dinere homepage zum download abüte. denn chasch jo än spende-chnopf uf dsite integriere und halt sammle bis du äs ganzes album chasch professionel ufneh. da album wörfsch wider uf dpage zum download, chasch aber glichzitig au als brennti cd mit cover etc. verchaufe (sozägä als indirekti spend). da isch nöd kommerziel! wenn du jetzt aber än platte-vertrag animmsch und me dini lieder mues chaufe etc. denn muesch mer nöd cho vo wägä nöd kommerziel...