Als Antwort zu de allgemeine Vorurteil (i bi au nöd en Brass fan...): die Menüs sind guet, vom Fleisch über d Herdöpfel bis zum Suurchruut. Aber s Angebot isch eso: pro Fleisch wo mer bstellt sind 5 Stutz. I ha z.B. Bluetwurst, Leberwurst und Wädli bstellt, ha für da en Teller mit dene 3 Sache plus 3 Herdöpfel und ä Protion Suurchrut übecho. Zahlt hani schlussendlich CHF 15.-- defür. Aber es isch ziemli guet gsii.
Mer händ letschti imene Restaurant im Toggeburg Metzgete gha. Hät für jede 25.- koschtet, defür häts e Schlachtplatte geh, sprich: 4 riese Plattene, eini mit Röschti, Suurchrut, Rüebli und Nudle, eini mit Brodwurscht, Panierts Steak und Plätzli, eini mit Bluetwurscht und Leberwurscht und Suurchrut und eini mit Chesselfleisch, Wädli und Rippli.
Mer sind z'8. gsi, aber händ nie alles möge. Ich han glaub no nie so viel gesse gha... ^^
Öppis i dem Umfang hani vor 2 Johr erlebt. Und döt isch es gratis gsii, wiel mer vomene Gschäftspartner iglade gsii sind... A dä Metzgete chamer sich i dä Regel scho recht zuefülle.
