domi, luut em arzt döte hegi mit 41 pünkt im sport die tüüfscht jemols erreicht punktzahl gmacht...und i bi enart eifach chli "geschländeret" bim 12min lauf...
es isch es sensibilisierts, facetterichs und mehrschichtigs "soso" gsi, weisch. eis vo dene halt.
mer cha dere sach scho gueti sitä abgwünnä. aber am vaterland nützt de dienscht vom einzenle ziemli wenig, meinschtens jedefalls (usserd er macht würkli öppis nützlichs, imene wk oder so, z.b. e botschaft bewache).
i ha kei bedürfnis, da z'breit z'diskutiere, aber i denk, du wötsch nöd lügnä, dass die lüt zwüsched 15 und 21 wuche usbildig hinder sich hend. devo cha mer sicher die eint oder ander stund als usbildig zur bewachig vonere botschaft bruche, wenn au lang nöd alli.
logisch, aber i chamer bim beschte wille nöd vorstelle, das öppert wo 21 wuche rs gmacht het nocher es paar johr wk's und den für en wk als bewachig vonere botschaft imene "kriesende" land bruucht wird und da ganze denn au no sinnvoll isch.
forget it. wivil vo dene soldate nehmed die usbildig ernst? also mir hend bi üserm wk scho müeh gha, paar bsoffni jugendlichi weg z'schicke. well me eifach nöd gern miteme gwehr umefuchtlet, wo scharfi mun drin hät. i glaub au nöd, dass eine vo üs (informatikpionier und richtstrahler) schusswaffegebruuch mache wür, au wenn mir "müesstet". für da bruchts jetz sicher e gröberi usbildig als ufem schüssplatz gschichtli vozelle und dementsprechend handle. psychischi usbildig wär au no öpis wichtigs, wo i no nie erlebt han im militär.
viellicht isch das nöd überall eso aber bi üs isch Botschaftsbewachig gar nüt verruckts - me hät nöd emol s'stgw debi.
Me isch eifoch dött dass d'lüt gsehnd, dass do Militär hät. Die wichtige Ufgobe mached ohnehin Polizei und privati Sicherheitsdienscht und wenns wörkli heiss isch denn macht sowiso zerscht Bruefsmilitär Bewchige, denn Durchdiener und am Schluss chömed emol no d'WK-Pimps.
Botschaftsbewachig heisst also im Grund gno 3 Woche Wach schiebe ohni, dass was passiert. Jede obig d'Lampe fülle und fresse bis eim schlecht wird.
Botschaftsbewachig selber nöd aber anderi vo de Gattig hend gha und seg sauglatt häts gheisse! Aso wenns nur halb so viel fun isch wie üsi Verbandsisätz, denn isch immer no huere luschtig!
