i glaub di chamer faeng persoenlicher afigge, idem mer naebis gaeg s'militaer bzw. dis verhaeltnis dezue seit, wie wenn mer dini mueter, dini schwoeschter, dini ex-fruendinne und fruendinne in spe, dini goofe, wod viellicht mol ha wirsch und dini brille afickt! isch faeng bedenklich!
aber nöd mit äm militär :)
aber si tönd scho recht wüescht, eine hät sich noch öpe 2 wuche wölle untauglich schribe loh, 2 wuche schpöter hät är freiwillig fürs witermache unterschribe.
i bi eigentli ohni vorurteil is militär gange und ha denkt da goht eh no ab (logisch hani mir chöne vorstelle das nöd alles so läs segi) aber nochdem i mol döt drin gsi bin, hät mo sich dstirn wund ribe chöne durchs an chopf lange. und schlussfazit isch denn halt eifach das die vorurteil übers militär kei vorurteil sind, sondern realität...
villicht chunnts jo amel eifach druf ah, wer di härzigärä frau im zug hät. je noch däm gfallts eim denn besser oder schlechter und je noch dem bildet sich d meinig übers militär.
also i ha di etz gad mol blöd alo weld gseit häsch du hegsch din verstand nöd verlore und du wüssisch scho no, wa i dem verein noed funktioniert.
da mag jo sowit si... aber gsehsch au, wa funktioniert? nämlich die "i has hinder mir, also isches nöd so schlimm gsi"-istellig, z.b.?
und wie dich de dienscht dött umkremplet hät, voneme mensch, wo ohni grossi kompromiss d'freiheit verteidiget hät, zuneme mensch, wo für s'militär gern freiheite ufgit und da au bi andere lüt richtig findet?
jo lueg di mol a hoi!
bisch echt voll de militaerkolleg worde und schinsch es jo au guet z'finde wenn mol alli dae huere seich dueremache muend. es git jo viel wo saeged, s'militaer seg guet fuer d'sportlichkeit und s'tegi d'luet chli diszipliniere. da mag jo si, aber es tuet d'luet aebe au stromliniefoermig mache, und zwor alli, wo noed gad so dumm tuend dasses useflueged. maengi me als anderi, aber gsund isches sicher noe.
natuerli isch da mini asicht, fuer anderi luet mag da jo genau de gwuenschti effekt si.
es isch ebe so, dass i ehner chaotischer bi als de schnitt, und mir die disziplinierig vo mir us gseh no guet tue hett.
denn hetts halt d'nebewirkige mitbrocht, dass die disziplinierig au no politischi meinige gänderet hett. aber gad stromlinieförmig würi mi etz ebe scho no nöd nenne, aber i weiss wad meinsch, hä.
i wür mi druff chönne einige, zum sägä, min verstand segi zitäwiis "blendet" gsi, und mini politisch istellig gegenüber am militär "gfärbt", aber scheisse, wenn i nie lern ornig z'ha, denn raschtets weisch wie us? potz chrüzöpfel und marzipanchueche, denn würi jo am schluss i mine eigene.. äh dings.. und so.
aber die militärdiskussionä chömmer au loh, es isch immer s glich. die wos gmacht händ meined es seg jo nöd nur schlecht, und di andere meined mer hegi e ghirnwösch verpasst übercho.
i ha au scho ghöre müese dass i noch dä rs einiges uninteressanter und behindereter gsih bin als vorher (wa sich denn schinz wider besserät hegi), anderersiits händ ussestehendi hald kei ahnig dass intensivi teamarbeit und zamäläbä au chan abgoh und sogar lehrrich si..
s schwiizer militär isch jetzt sicher mol öppis vom behindertschte. i glaub do muemer nöd emol im militär gsi si zum mit eme GSUNDE menscheverstand sägä chöne: MILITÄR SCHTINKT!!! --> lueg der nume emol die militärheinis aa (jo cedi, au du bisch einä vo dänä!) wa für behinderti vor- und iistellige die hennd.
aber so diskussione sind jo bekanntlich sinnlos und füered zu nüüt. also lömmers doch gad bliibe.
Ich glaube es liegt nicht in unserer Macht ĂĽber den Sin einer Schweizer Armee zu urteilen. Dazu haben wir zu wenig Detailiertes Wissen.
Ausserdem steht es nicht in der Macht von uns wenigen die Verteidigungspflicht aus dem Gesetzt zu verbannen.
Daher macht diskutieren von zwei so unterschiedlichen unverrĂĽckbaren Standpunkten wirklich wenig Sin.
so stimmt da äbä au wieder nöd. nöd alli wo im militär gsi sind, findets nöd schlecht! i bi do jetzt wörkli dägägä, wel smilitär halt wörkli än u huere mischt isch.
es wuerde mich vielleicht disziplinieren. das mag ich nicht abstreiten, dass das vielleicht gut waere. aber ich wuerde mich nicht sinnlosen befehlen fuegen wollen, und darum wuerde das sicher keine gute erfahrung sein.
nachfolgend rede ich von der militärischen disziplin. es gibt noch andere sorten, aber das sind abgeschwächte formen.
u.a. das was du sagst ist aber genau disziplin. sonst bist du ja inkonsequent: wenn du dich nur sinnvollen befehlen fĂĽgst, dann bist du nicht diszipliniert.
es geht aber noch weiter: erst, wenn du den sinnlosen befehl auch unter grosser körperlicher und psychischer belastung, und entgegen deiner persönlichen bedürfnisse ausführst, bist du wirklich diszipliniert.
und fangt jetzt nicht grad wieder an zu dissen, wir definieren nur disziplin.
aber ich rede von disziplin im taeglichen leben. natuerlich waere ich vermutlich produktiver, wenn ich einfach frueh aufstehen wuerde, ohne darueber nachzudenken, dass ich auch einfach liegenbleiben koennte. aber wie gesagt ist das nur die glaenzende seite der medaille.
vorallem nützt dafür das militär einen scheiss. ich weiss noch genau dass ich amel am wochenende während der rs, nach einer woche bett-immer-schön-gemacht-haben, kleider-immer schön-aufgehängt-haben (in der richtigen Reihenfolge), nach hause gekommen bin, den Ausgänger ausgezogen hab und auf dem Gang verteilt liegen gelassen habe bis am Sonntag abend.
i has mol läss gfunde, s'hirn ganz abschalte und eifach nünt überlege / hinterfroge. bi dir als alles-hinterfroger und superlogiker chönts sicher au nöd schade...
i weiss jo noed, wieso du da a mir immer stoerend findsch, aber es isch eis vo mine zentrale merkmol.
entweder wuer mi also s'militaer voellig umkremple (da findi prinzipiell noed guet, wenn mensche voellig umkremplet werded) oder i wuer halbe wahnsinnig werde.
keini vo beidne sache find i etz bsunders asprechend.
i wuer mi immer ueber die unkoordiniertheit ufrege, und dodrueber, dass ich trotz de geographische und persoenliche noechi zu de entscheider nuet aendere choennt, wells eifach immer nur saege wuered "ist so weil ist so".
also mit entspanne waer do glaub nuet.
irgendwenn schissisch ebe druff, dasses nöd funktioniert, und denn fangt de spass a =)
blöd tue, verpenne, bart wachse loh, alk trinke wennd nöd söttsch, inkorrekts tenü wo halt bequemer isch, mit frisure provoziere, en kravattechnopf mache wo so gross isch wie e fuscht, d'kravatte defür nur no e paar cm lang, erscht am mentig irucke, demit mers am sunntig obig no cha rüüche loh, die unfähige und schnell überforderete löftis usfindig mache und ufd palme triibe...
da isch denn läss, chasch abschalte, fascht wie ferie. i säg vo jetzt a de vba (verbandsusbildig) nur no "elendstourismus", wöll mer sich jo ebe, wenn mers richtig macht, am schluss sogar no freut über de scheiss.
S Hirn Chille lo gäng jo no so. Abär denn muäsch di allpot übär irgend so än scheiss ufregä well di Goldigä irgend öppis nöd uf t Reihä kriägäd und du denn wäg dem scheiss muäsch zerst stundälang wartä und nochhär däfür hetzä wiä blöd.
Odär denn chunsch ä arbät übär, ärledigsch diä wiä än normalä Menschä ä arbät äreldiget (also für s Militär z schnell) und wellt denn nochli freizyt häsch muäsch irgendwo go umämarchiere odär Kolonälaufä. Well da denn natürli alli aschisst gots vill z lang und denn muäsch nochhär wieder hetzä..
i han die 15 woche fürs militär frei ghalte. bin eh vom suntig obig bis samstig morge döt. isch mir gnau gar nöd druf a cho, wa i mue mache. hetze loh hani mi denn gar nöd. wenns schnell mue go, hends es halt selber müese mache...
han eifach de samstig morge als ziel gha. de weg isch mir denn glich gsi.
