Mer händ letschti imene Restaurant im Toggeburg Metzgete gha. Hät für jede 25.- koschtet, defür häts e Schlachtplatte geh, sprich: 4 riese Plattene, eini mit Röschti, Suurchrut, Rüebli und Nudle, eini mit Brodwurscht, Panierts Steak und Plätzli, eini mit Bluetwurscht und Leberwurscht und Suurchrut und eini mit Chesselfleisch, Wädli und Rippli.
Mer sind z'8. gsi, aber händ nie alles möge. Ich han glaub no nie so viel gesse gha... ^^
Öppis i dem Umfang hani vor 2 Johr erlebt. Und döt isch es gratis gsii, wiel mer vomene Gschäftspartner iglade gsii sind... A dä Metzgete chamer sich i dä Regel scho recht zuefülle.