So, i bi au wieder im Land. Isch no gmĂŒetlich gsi, das Chinderlager. Und au d'Partei vorher. Chönnt eini vo de letschte gsi si i ĂŒsem Huus.
HĂŒt Obig schaffeds mir Betönler endlich, ĂŒsi Ubuntu-Night izlegge. Mir hend vor, alli mol umzstiige, und wöll mer alli zfuul sind, mache mer's mit Hilf vom Gruppezwang. Wer also Luscht het, bi de heitere* (*viellicht nehme mer jo no eis, zwei) Installiererey debi zsi, oder ĂŒs sogar bi dene knifflige Problem z'helfe, wo da amel git, de cha ab jetz sofort gern verbicho.
Hend kei Angscht, verbi z'cho - ĂŒsen Verbrecher hemmer zwei TĂ€g bevor i gfloge bi voreme Monet no usegworfe (falls i da no nöd erwĂ€hnt gha ha). Mir hend sit denn nie meh öppis vo ihm ghört - i glaub er het gmerkt, dass d'Fuscht parat isch. Er hett ĂŒs öppe 2000 Stutz und mir öppe fĂŒf alti Velos abknöpft.
Neus vom Verein: s'Igelaug isch ustrete. Er wird witerhin zorge (wa sĂŒscht, so schnell chunnt mer vo dem nöd weg. Nume miteme starche Lippesyndrom; aber denn vereinsamt mer entweder, oder i seltene FĂ€ll fĂŒehrts sogar zu KreislaufversĂ€ge.), aber d'Ziel vom Verein decked sich schinz nĂŒme mit sine eigene.
Schad. Wie aber schomol gseit, findi, dass Fluktuatione normal sind. Git eifach ei Person meh zum inehole fĂŒr de Headhunter.
Mauten, sÀg mer denn bi Glegeheit mol no, wo mer aneziehnd.
From Eagle_Eye
Date 13:50
To [z]cedi
Subject [Forumpost] von cedi
Mir isch nöd bewusst das mo À Statement mues abgeh wenn mo useme Verein ustrettet...
