i has würkli nöd eifach. per moderni technik sms und skype hani erfahre, dass am rodi sini iweihigs- glichzitig wie am domi sini usweihigsparty isch, wobi i vo letschtere dur die nüme so ganz modern technik zorg kenntnis gnoh han.
es isch en fluech mit soviel kollege. drum, gott sei dank, tuet mir facebook (und lut ihrem chief internet evangelist spöter denn mol google: "google wird ihnen sagen, was sie morgen wo und weshalb machen wollen") usrechne, mit wem vo beidne dassi in letschter zit weniger kontakt gha han, tuet mer das mitere gwichtig vo de jewilige fründschaftsbeziehig verrechne, und addiert bi knappem unterschied no e azahl credits, wo us de witere awesende kollege a de jewilige parties und dene ihrne entsprechende gwichtige bestoht.
