isch grad jetzt wieder cho... hmm, am afang hends gar nie werbig brocht. mol ä geniali idee vo de wirtschafts studis. jetzt het toxic geld vo de tagblatt media group übercho. zu dere ghöred:
- tagblatt
- radio aktuell
- anzeiger
- tele ostschweiz
- "toxic.fm" (es ghört immerno de toxic stifftig)
die group ghört denn de NZZ... i lieb di coole st.galler mediälandschafft
uf em drs3 chunt immer hitparade nur hald niä i dä glichä reihäfolg. und us em backstreetboys- und spicegirls-alter bi i leider tus. ebeso mag i au nöd jede sommer en vo drs3 gwähltä sommerhit tagein tagaus losä. chunt no däzuä das i wenn i am nomitag drs3 los, nöd au no all halbstund wöt ghörä was den lustigs i dä morgäsendig verzzellt händ. Wiiter schiiissts mi a, jedesmol wenn da haiduci lied chunt, usäm fenster z gumpä und z hoffä das dä ufprall weniger schmerzhaft isch als no ä witeri stund drs3 z losä.
aber häsch recht dä sven und co. sind ebe scho läääs. aaa luäg mol a offes fenster!!
jo am obig isch amigs scho guet. aber i mues de seich au de ganz tag lose und es _isch_schlimm_! genau wie de hans seit. mir macheds i de bude amigs so, das mir zelled, wie oft welles lied a eim tag lauft, und us dem use chasch öpe säge, uf wellem platz es i de hitparade liet...
aber hans isch das mit de morgesendig, wos immer weiderholed was lustig gsi isch, nöd radio aktuell?
interessant... sorry, aber die stimm wo d werbig asait isch so billig. do chönteds locker chli ä... hmm... fetzigiri oder "attraktiveri" ;-) stimm neh!
