verzell meh...
also mir haend ues damals fuer uesi marbet recht huere uebel mueh geh... isch aber au interessant gsi.
und es haet viellicht au mini maturanote i mathe positiv beiflusst, well de mathelehrer uf zmol gfunde haet i seg doch noed so en gruesige...
Aso bi mir isches so gsi dasi eigentlich überhaupt rein gar nöd gwüsst han wasi will baschtlel0rn.
Denn bini mol in Robotics Kurs und han denkt super jetzt veränderemer d Welt und baued üs en Scanner us Lego wo cha Graustufä iläsä und si in Echtziit ufem PC wiedergeh.
Also hani sonen grüsigä Flachbrettscanner baut und denn het dä Pixel für Pixel iglässä und ufem Bildschirm wiedergeh (seisch eifach nöd witer daser für ä A4 Blatt 12 Stund brucht het gäll)
Ich han eigentlich gfundä das mini Arbet en völligä Bockmischt isch aber min Physiklehrer isch mitärä idä ganzä Nochbärschaft go umäposä und hetmer denn 95 Pünkt inäklöpft und au mini Physikmatur chli ghobä.
Und denn hani no müese ad ETH go mini arbet vorstelle was mi eh grüsiger agschisse het. Drum hani denn nöd nur s Zugbillet sonder gad au alli Bierschen woni trunke han uf d Speseliste tue. Und siehe da d'Kanti hetmer sogar no min After-Eth-Usgang gsponsort.
isch aber an sich kei schlechti idee... isch schono witzig.
aber kompliziert oder aspruchvoll isch andersch.
und... als kantilehrer mue mer sich jo au mit chline sache zfriede geh.
a de eth simmer damals btw au gsi... isch no witzig gsi. mir sind zwor so oeppe die einzige paar mit handgmolete plakat gsi, well alli andere huere hochglanzprodukt gha haend, zudem isch ueses projekt so richtig de vorzeiger gsi... uf eme alte laeppi und voll spannend... "so etz gibi do de befehl i... daenn gohts e wili... etz gsehtmer: s'file isch chliner worde... so etz tuenis wieder entpacke... und en diff... seg no glich, seit er." ajo und "nei, tuet mer leid, i cha dir etz natuerli noed voellig ueberzuegend darlegge dass etz da programm wuerkli noed hineduere bschisst..."
aber isch no gediege gsi.
jo so wit sinds aebe a de kanti sg no noe, hani mol ghoert :-)
haet ues naemlich au kein gseit. isch aber au kein beibruch gsi.
i has ehner witzig gfunde, dass es bi ues so en spast gha haet, wo mir ums versieche noed haet verstaendlich mache choenne, wa sis programm, wonner gschriebe haet, macht.
i mein... so voellig unbedarft bini etz au noe i sache computer, und er haets wuerkli recht lang versuecht bzw. i ha wuerkli recht lang immer nogfroget :-)
i glaub immer no recht fescht, dass sis programm schlicht niemert bruche choennt, well er eifach en huere oberueberflueger isch, wo problem gseht, wos kei git.
Guet mir hend däfür eini idä Klass gha wo es gröbers Programm gschribä het, so das dä Lehrer het müesä sägä. "Tschau Sabrina i raffs nümmä. I schicks mol a min ETH-Professor-Kolleg". Da isch bi dä KSBG Lehrer jo nöd witer erstunlich.
Doch d'Antwort isch in öppä wiä folgt gange: "Ähm jo sind sie sicher das diä Schüelerin das selber Programmiert het? Bi üs im Inf. Studim chunnt so gschmeus denn mol im 2. Semester".
Ich han sie denn mol dezent druf agfickt öb sie eigentlich kei Kollege hegi oder öb diä alli nur schmökä täged. Sie het denn aber gmeint ihrä gfallis no recht so wiäs isch und het mer denn mol ihräs Programm vorgfüert. Vo dem her bini eigentlich froh das diä kei Zwüschäjohr igleit het und so ;)
awah zweits semeschter... und da wird scho nuem verstande und sini chind?
chani jo kum glaube.
aber mi naemts no wunder, waer mis programm durchforschtet haet, well de voegi ischs noed gsi.
i wuer mi huere gern mol entschuldige... isch _huere_ wuescht gsi :-)
