also. I meld mi i dem Thread glaub nur eimol, aber mini überlegig zu so mehr-macht-für-die-polizei Sache:
Ich han selber au scho schlechti Erfahrige gmacht mit sehr überhebliche fiese wüeschte Polizischte, und es sind au viel chli so (gell Sneez?). Anderersits stressed mich au die randalierchinder, und mengmol nervts au dass d Polizei würkli chli igschränkt isch wenns um präventivs handle goht.
Also, folgendes wär s richtige:
-Poliziste besser überwache, uswähle, usbilde
-Möglichkeit zum gege Missbruch/Misshandlig vorgoh (das isch au schwierig, so chammer eifach mit Massebeschwerde go DoS mache)
E voll perfekti Lösig gits aber eh nöd. Find nur dass die randalierende Deppe und suschtigi hängeni Lüt mi VIEL meh störed als Cops mit dene paar Möglichkeite. Es isch jo nöd grad s Prinzip vo de Gwaltetrennig ufgeh worde mit dem.
zum 1. punkt:
egal wie guet du überwachsch, uswählsch und usbildisch. polizischtä sind schlussendlich au nur menschä.und dass menschä verkommeni konstrukt sind, wüsse mir jo alli.
zum 2. punkt:
ich glaub die möglichkeit isch mit dä gwaltätrennig ideal geh und au ich glaubä wie du seisch: perfekt gohts nöd.
vo dem her isch di jetztig situation nöd mol so schlecht
--
und no zu dä überheblichä polizischtä: mit dä macht stiigt s ego extrem id höchi. und das goht automatisch und isch au nöd nur bi dä polizei so. wenn mer mol i dä gschicht zruggluegt: die ganzä könig und herrscher hends alli generell chli übertribä mit ihrer überheblichkeit.
ergo isch es eifach natürlich. es wird niemols e machtsperson geh wo nöd wenigstens zumene chline teil überheblich isch.
i dem sinn: "Lass den Menschen an der Macht schnuppern und es wird nicht lange dauern, bis er dich unterdrückt"
da kann ich nicht viel einwenden - ausser, dass es nicht darum geht, dass randaliert wird, sondern hauptsaechlich darum, dass halt punks, obdachlose und drogensuechtige (wobei das natuerlich auch oft alles zusammen auftritt :-)) sich an oeffentlichen orten aufhalten und das doch nicht in unsere ach-so-saubere gesellschaft passt und somit diese stoerenfriede von da weg sollen. wohin, ist egal... hauptsache, die leute sehen nicht mehr, dass es solche leute gibt.
aber lueg mol. da sind doch eifach volli querolante, sorry; aber die sind voll gägä üsi gsellschaftlichi ordnig, sie wönnd sich nöd i üseri gsellschaft iipasse und üseri "uniforme" aalegge. aber sie hend jo gnau au e "uniform" aa. es isch eifach e ANDERI gsellschaft. da chani ebe nöd so ganz verstoh bi dänä.
da isch scho klar, dass sie nöd optimal isch, aber stell dir mol vor alli(oder de gröschti teil) vo de i de schwiiz wohnende lüüt wäräd so wie die. denn dtörftemer nämlich wieder selber brot bache und fische und üseri chinder anstatt id schuel am morge am 6si am morge(nochem melche vo de chüe) ufs 5km entfernti abtwil schicke zum en sack mähl hole, damits am 9ni wieder zrugg sind zum im wald go füürholz hole, damit di 10-chöpfig familie am oobet nöd verfrüürt.
da isch no lang kein grund, dene jeglichi vernunft und intelligenz abz'spreche.... und wenn die gäg da neu polizeireglement iträted, heisst da nöd automatisch, dass s'neui polizeireglement guet isch.
Aber viel Punks wönd öppis ändere indem sie de ganz Tag umehocked und Bier trinked.. Ich mein, so het mer no selte öppis gänderet. Für mich isch und blibt Punkt e chindischi Trotzhaltig - egal wie cool sie wirkt.
