also d polizeipräsenz in st.gallä rund um bhf, marktplatz und allgemein zentrum, wo mer am WE halt so sini abstürz hett, findi zimmli optimal greglet. also ich weiss au nöd, aber bis jetzt isch es eigentlich immer so gsi, dass ich uf em haiwäg es paar mobili streifä und polizeipatrullie gseh han. git eim doch eifach es sichers gfüh.
guet mer isch scho klar, dass genau so bispil wie die wo do brocht wordä sind bewiset, dass d polizeipräsenz äbä doch nöd so optimal isch. aber für das gits jo die leider in so situationen viel zu wenig gwählti nummere 117. ich bin vor churzem inärä führig durch s stapo sg hauptgebäude gsi (isch übrigens sehr interessant und empfehlenswert) und dört isch au die problematik agsprochä wordä. dä polizeikommandat het denn dodrufabä gmeint, dass d hemmigä d polizei bi so chlinnere problem z holä recht gross sind. gründ sind do u.A., dass mer glaubt dere situation selber herr z werdä chönä oder wil mer eifach i dä polizei leider immer no z fescht dä "bös" gseht. mer sölli doch vor allem i so situatione, wo mer weiss, dass sie chöntet zimli schnell brenzlig werdä lieber d polizei eimol z viel holä als eimol zwenig. und ich halt das au für total vernünftig, wil lieber mol en streifäwagä eimol holä loh und es passiert nünt, als dass es e schlägerei git und dä glich streifäwagä fahrt glangwilt umenand. OK, d polizei chan nöd überall si, aber sie chan überall schnell si. zuedem findi mer sött sich überhaupt nöd genierä wil mer uf d hilf vo öpper anderem agwisä isch. es isch e tatsach, dass mer i so situationä ellei kei chance me hett und wenn mer scho mit buessä und stürä so viel geld i so es sicherheitsdispositiv steckt, denn sött mer doch au vo dem gebruch machä. mini meinig.
/joke/
und sowieso: ihr wüssed doch alli, wie gern polizischtä ihri autorität usläbed (die bekannti hand-uf-waffe-leg-und-und-krass-drilueg-posä)...also gend enä doch d möglichkeit dezue. sie werdens zwar nicht zugeben, aber sie werden euch dankbar sein, dass ihr auch ihrer schicht noch den gewissen kick verleiht ;-)
mmm, und wenn mer en brand meldet und am brandort bliebt, denn isch mer nochher zerstmol de wo s'führ gleit hät. mer wird behandlet wie de letzt dreck und glaube tüends eim sowieso kei wort. mer mues sich denn vo de cops beleidigunge gfalle loh und mues es au akzeptiere wenn mer nödemol dörf sini jacke us em hus nebetdrah hole weil mer jo süs abhaue chönt... mer hät uf jedefall es riese gschiss mit de cops, nur well mer hät wölle en brand melde... -> TSCHAU!
