Es git scho fäng nümme, wos nid git.
Irgend so en kalifornischi Motorcycle-Site bietet itz gratis Email-Accounts mit 1TB Speicherplatz a mit de Begründig, dass mer ja nid all sini Date wett verlüre, wenn eim s'Huus abbrännt. Logisch.
Has natürli grad müesse usprobiere... Grusig wirds s'erscht mal, wenns dini vollständig Adrässe inkl. Tel.-Nummere wänd ha. Sie säged zwar, es wärdi nid witer gä. Guet das cha mer no navollzieh, wül de erscht, wo sin Account uf legali Art und Wiis und ohni Spam füllt, überchunt en Server mit eim Petabyte Platz (seit ämel am Tom sin Hardware Guide).
Intressant findi au, dass ich en US-State mues usläse, obwohl mis Country doch Switzerland heisst. Ha de Mal California gno. Hed funktioniert, ich ha itz en Account (wobi für Email mues mer im Account no en Account erstelle). Als erschts hani nächär d'Adrässe wider glöscht. Das isch ne de wider glich gsi.
Also ich wett ja nid teschte, wie sicher mini Date det würkli sind...
es isch au nid alles. nur recht viel. will ebe au niemert me was baut het. ursprünglich isch mol e white-list plant gsi. nur leider isch die ebe immer no plant. (und es chrazt anschienend no keine)
