... isch jo enart au nüm s'schönscht. Es git sonen Trend "machemer doch e Band" hani mengmol s'Gfühl. Jede chunt mit sim "I finds uuuh lääs" song wo villicht es paar Lüt aspricht und viel anderi närvt. Wiä au immer es nimmt langsam andersch wüäschti Mass a. Als Z.org'er denkt mä sich do doch villicht 'aaaaaaaaaaaaaaaaaaaaaaaaaaaaaaaaaaaaah!!!!!!! tammi!' da cha jo jedä oder weiss i was...
Uf jedefäll sind i und dä cedi uf diä behindert Idee cho dasses hüt enart fäng nüt meh brucht usser "uffalle" und "extravagant" z'si zum irgendwo en durchbruch mache. Darum au "macher doch e Band". Aber dä Witz däbi isch, mir chönds nöd würklich. Es goht lediglich drum diä absolut grüssigscht bands werde wo diä verhunzt Musigindustrie vo hüt je gseh hät. Es goht drum z'zeige wiä kaputt gwüssi sache fäng sind. Es söll dä gröscht bull si. Aso im Prinzip heissed üsi Lieder z.B. "mutterbrei" oder üsen Favorit "dä gröscht huere mischt"... gschrei, ego-musikante wo dänand nur wönd übertöne, luuut, kaputt und andersch. Und falls mol es Konzert wür geh, sägemer eifach mir hebed d'Boxe dähei vergesse oder s'bier seg üs z'warm.
Eigentli wärs jo ebä eifach, es brucht halt nur es paar kaputti Lüt wo eifach mol "mitmached" zum es tape zamewörfe, lüt wo üs das tape per zuefall über radiosender gönd go verteile u.s.w. I ha kei Ahnig vo Threadserstelle wo halbwegs abgönd blablabla, Cedi gib du doch no dis SahneBäumchen obedruff.
I denk mir brüchtet, en kaputte gitarischt oder zwei ( mättä? ), es schlagzüg'gwürtz ( hans? ), en mischt uf mischter mit synt. oder so ( claudio ?) lüt wo fresse ziänd, perfomance mached und schreied ( cedi und mini wenigkeit? ) ein wo näbed dra stoht und nüt macht ( grischa? ) egal.. mä cha au weiss i wer wo ane stelle chratzt no nöd. wenn's lut gnueg isch und so chunts scho a.
Wohrschinli chönted mir üs nöd mol ufen bandname einige und da isch au richtig, sit wenn brucht ä band en name. Simmer halt diä erscht ohni.
Denn hemmer au no e paar begeischtereti Filmschnippselounen i üsne Reihene, für d'Videoclips. Kuschter, mir hend eh scho lang mol wöllä en Film mache, i dem zwei Kartonschachtle sich uffressed. Und glücklicherwis passt da gad zu jedem Song, also hette mir scho mol ein...
Organisation isch eh nüt für Zorg. Anderersits isch es so, dass Nöd-Organisation eigentlich so ziemli öppis für Zorg isch. Die Band wür denn halt nöd funktioniere. Mir würed vielicht de Interview-Termin mit toxic.fm verhänge, oder extra uehre bsoffe ifahre.
Üses Ziel wär jo, die kapüttischte z'si. Und dorum mue mer sich nöd vor Arbet oder Verantwortig oder some huere Bull fürchte. Wöll wenns eim aschisst, denn macht mers halt nöd. Und wenn mer e "Prob" hend, und es chömed nur zwei vo zäh, denn würs mi wunderneh, wer da chratzt. Minere Meinig no wird alles ufgnoh und nur s'hangeblibenschte Züg verwendet, ussert, s'Tape goht als Äschebecher druf oder mir vergesseds irgendwo. Denn stelle mir halt drü Minute en Rekorder ad Autobahn, und föteled en Baum wo als Standbild en passende Videoclip hergit.
Z.org selber brucht ganz es bitzeli Organisation, nämli e laufendi Chischte mit Admin und Geld fürs Housing. So e huere Drecksband brucht nöd mol da. Budget bruche mir eh nöd, und wenn mer keis Tape finded, zum üsen Scheiss ufneh, denn nehme mir en halt nöd uf und mached e rosses Besuuf-Jammnis us de Situation.
Anarchie mitem Ziel, z'verhindere, e gueti Band z'werde.
S'Schöne dra isch: üsi Band gits scho lang, und sie funktioniert wunderbar! Sogar scheiss prächtig! Und Ihr ghöred alli au dezue :-)
Mir hend zwor no nöd viel defür tue, aber wer interessierts. Da hemmer jo au nöd alli vor. Jede so viel wie er wöt. Wenn ein nur amig als "Leadsänger" ad Konzert i de Grabä cho, und sich süsch nie blicke loh, denn channer da mache. So e Konzert wär eh en Traum, i wür denn eifach irgendwenn en fette Stecker zieh und drirüefe, mi schissis ah, i wöll etz ad Bar hänge, ein söll für mi ufd Bühni go Fressene risse.
E Freud wäred au Interviews. "Wie isches zu dere Band cho?" "Mir hend Satan abettet und e Vision gha"; "Wa hend denn Ihr für Ziel?" "Mir wönd, dass Ihr üs usem Studio wörfed und nie wieder üse Sound spieled *rülps*".
Aaaaahhh i lieb die Band. Und s'schöne dra: jede isch Haupt-Schlagzüger, Leadsänger sowie Vertoner und Exekutiv-Multi-Horen-Produzent. Oder au niemert, je noch dem wer ume isch.
wie wärs mit eme hotelzimmer miete, ohni dass mir überhaupt scho berüehmt sinnd?
choreographie müennd natürli au iigschtudiert si...
s'geilscht wär, wemmers chönntet durezieh ohni name uufztrette, denn chammer da lied nämli au nie am radio wünsche und alli stressts voll wills immer müend vorsinge wenns da wönnd wünsched...
de text isch natürli retour gsunge, abr nume so liebs züüg wie: "de schmetterling flüügt im warme sunneschii, lalala..."
wür anderscht tönä: "alalal ,iihcsennus emraw mi tgüülf gnilrettemhcs ed"...
aah i lieb üsi band, mir hend scho wieder e lied. no en clip und denn chömmer scho e album useloh.
s'cd-cover würi vorschloh mache mir mit moderner kunscht. e so richtig grosses papier neh, e paar farbchübel druf leere und denn afange usschnide. oder nei, zersscht no miteme auto drüberfahre, wo gad ufem feld e rundi trüllt hett.
