gell, i bi nüme sicher aber i ha gmeit, i heg irgendwenn ide nögschte wuche im tagblatt glses dass anschiinend immer meh lüt am openair droge nimed.
drund für die anahm isch wöll anschinend, i glaubs zwor nöd recht, i paar en frispie oder wime da schriibt, anen hamer aneklebt hend, en azündet und denn enand agworfe hend
sorry aber so behinderet chamer gar nöd sii
bim beschte wille nöd. so sache findi voll denäbet. und vor allem findets es no luschtig wenns eso bsoffe sinnd. denn wüssets wieder nüme wie blöd dass tue mönnd.
eimol hani e paar gseh wo eine oder irgendöppis imene grosse stoffsack umenandzoge hennd. da isch doch nüme luschtig!
oder pass uf, i ha au no ein ghört, aber dä glaubi ehrlich gseit nöd: es heg e paari gha, wo extra abfall gsammlet heged vor ihrem zelt. döt hegs denn eifach e paar m2 müll gha, mer heg nüme chönne durelaufe, und es heg agfange stinke. au d'abfallsäck hends anschinend immer wieder mol usgleert, wenns mol wieder igruumt worde sind.
aber s'bescht seg gsi, dass die agstellte butz-helfer-tüüfeli sich nöd as ufruume vo dem saustall gwogt heged, wohrschinli hends nöd gwüsst, obs bi de zeltstangene oder bim verschmelzte grill sölled afange.
