mir sind gad d'andrea am bahnhof go abhole. [anm.d.red: mitbewohnerin, kam gerade von einem monat biken durch den himalaya zurück.] nöd gnueg, hemmer müese früeh ufstoh, nei, au ihres imene karton verpackte velo hemmer s'stegeli müese ufeträge.
tönt ziemli läss, wa mer ihrem unbremsbare redeschwall so cha entneh: mittagsschlöfli vorem vo de sunne belüchtete mount everest, kilometerlangi downhill-sessions, e zigi uf 5200m haut eim um... ganz schö.
sie het zwei trochni zeltübernachtige gha, müese mit zwei chleidergarniture uscho, und schmöckt au dementsprechend. da passt gad zum jo sim wc, woner mit ihre ufem undere stock normalerwis teilt; und woner dä monet nie butzt het - defür het er nie gwäsche, wöll sie da amel für ihn macht, und het alli chleider hinder de türe gstaplet :-)
hüt obig isch willkommensparty i de birri hä. mol luege, ob sich ihri suuf-kondition ebefalls gsteigeret het. s'tschutte hüt am halb siebni i de weihere macht mer jedefalls jetz scho angscht; i lueg glaub, dassi i de glich gruppe wie si bi.
traumhaft, do überchum i definitiv fernweh wenn ich so öppis ghörä. I wür uf jedä Fall i di glich Gruppä, höhä training >5000 zieht en glaub no ziemli...
wotsch mer demit ernsthaft wiismache zum mini amerkanische Fründe nöd z'beleidige muäni au en Quarterpounder (oder so) esse wenns mit mer in Mac wönd...?? *ANGST*
en kolleg hed die glich tour au gmacht vor zwei jahr. mit aschlüssend zwei mönet dür myanmar, laos und kambodscha reise. är hed nächär dezue en diashow gmacht und hed au chum me chönne höre verzelle. en traum...
ebe, de jo het nie gwäsche de monet. normal hetter en deal mit de tom, dass sie wäscht. über die meischte vo sine ungeischtige gegeleischtige, oder zumindescht über die zaihschte, dörfi nüt verzelle und scho gar nüt umekreische.
es isch emol, i viel früehnere johre
en bandit verbicho miteme bart voll hore
und het umegrüeft, gfuchtlet mit de pischtole
het de tom de arsch wölle versohle
denn isch de jo, de vagabund...
scheisse i ha s'gschichtli vergesse
