1 up | 2 up | 3 up | 4 up | 5 up | 6 up | 7 up | 8 up | 9 up | 10 up | 11 up | 12 up | Zorgtreff - neue Formel? Die aktuelle

^^^ Additional posts ^^^

zorg.ch #62477 by Cédi @ 03.01.2005 15:46 - nach oben - oha, do wött ein aber tüüf i'd materie. bi dem gohts um "1000 mal berührt, nichts passiert", hä. und zwor gits jo uu viel ähnlichi lüt, und die hend immer wieder mitenand z'tue. so gohts au am herr und frau wasserstoff. aber bim nornale gschäft chömed sie sich nie nöcher, als de knigge das erlaubt. denn hets de zuefall aber mol wölä, dass alli wasserstöff zuemen ball glade gsi sind. d'menschheit isch kabutt, mir kenneds jo, und es git dank de inzucht jenschti "wasserstoffs" - wohrlich e grossi familie, hä *huescht*. a dem ball isch es zerscht nöd eso, aber mit de zyt immer heisser und schneller zue und her gange. alli hend sich um die heissischte versammlet, und i rhytmische kreisbewegige agfange rundumeztanze. mer chönnti meine, es seg happyhour im halligalli gsi, aber isch es nöd - wöl gad so unartig sind d'wasserstöff nöd gsi. sie hend sich sehr ifüehlsam und aspruchslos alli gegenüber allne glich verhalte, und sich alli zeme riiesig gfreut, dass es so schön isch a dem ball. sie hend gin orange gleert wie wasserfäll, und sich stories über ihres lebe verzellt - d'attraktione sind die fette herre gsi, die mit de chriegsverletzige. sie hend nämli bi verganene chugelhagel ein bis zwei neutrone in ranze übercho, wo au mit modernschter medizin operativ nümä z'entferne sind. sie sind immer dichter, und somit immer kontaktfreudiger worde, und denn isch es passiert, und zmitzt i de mitti vo dere chugle voll erfüllter und allisamt verliebter elementarhippies hends sich agfange verschmelze. immer wiiter hett da um sich griffä, und i chürzeschter zyt sind alli mitibezoge worde, egal ob chli oder gross, alt oder jung, grüe oder blau und egal ob ahorn- oder roseduft. und so isch s'zytalter vo de heissverliebte chügeli entstande, i dem mir hüt no lebed. und da hett sich umegsproche, und sich denn au a vielne orte wiederholt, und so gits die liebe gmeinschafte jetzt au i verschiedenschte farbe.