i bi eigentlich scho zfriede. mir sind zwor füf viertelstund langsamer gsi als die offiziell marschzitberechnig, aber uf die riesestrecki isch da ebe au nöd viel langsamer. de grossteil vo üsere "verspötig" sind au pausene gsi, und eimol hemmer gad e stund gwartet, wöll min laufpartner, de dream, e energiekrise gha het (er het nünt rechts zmittag gha, es het am erschte poschte nur suppe geh, da hetten vernüblet).
mir hend zwor zum letschte viertel vo de 100er finisher ghört glaubi. anderi sind am drü acho und dergliche, mir am viertel ab sechsi. ein vo dene schnellere het mir aber verzellt, dass er überall schättä gseh und sini bei nüme gspürt heg...
und die chränkschte sind de 100er duregrennt, die sind am samschtig obig am nüni scho im ziel gsi. ein vo dene heg defür nur no wirrs züg gredet. aber da isch au nüme pfadi. unterwegs muemer doch lüt gseh, chli schnorre, all wieder überhole und überholt werde, und zeme über de scheiss marsch flueche. und durebisse. und jede wo so lang unterwegs gsi isch, hett bisse, ober fertig worde isch oder nöd. um da goht's, sich z'überwinde, d'grenze z'überschrite.
uf so mä energiezerrändä Marsch het mer normalerwis au passendi Riegel däbi :-) Sponsor High Energy (Migros) sind z empfehlä. Schmöckäd grüsig, gänd aber echt Power.