1 up | 2 up | 3 up | 4 up | 5 up | 6 up | 7 up | 8 up | 9 up | 10 up | 11 up | 12 up | 13 up | 14 up | 15 up | 16 up | 17 up | 18 up | psych. Vergewaltigung v. Kindern im

^^^ Additional posts ^^^

zorg.ch #94553 by Squeezer @ 04.10.2006 14:00 - nach oben - Klar, wil mir öppert devo verzellt hät und ich em das glaube. Und ich han scho gnue Glegeheite gha mir das guet z'überlegge und ich bin immer zum Schluss cho das es halt glich stimmt. Usserdem han ich s'Gfühl das mir Gott würklich hilft und gseh mich au immer wieder bestätiget.

zorg.ch #94561 by DaKine @ 04.10.2006 14:15 - nach oben - Bisch denn du überhaupt no willig, e Erchlärig zu dem was dir das bestätigt a z'neh? z.B. Wenn ich dir das jetzt wür erchläre, wiän ich diä "bestätigung" begründe, wärsch überhaupt no so offe zum das chöne aneh und dä Glaube wo du so a Gott häsch wiä jetzt nieder z'leggä? Ich denke, du hetsch müäh zum mir folge, gnau so wiän ich müäh het zum das über johrzehnt dir z'erchläre und z'verständlich z'mache. I gseh also e gwüssi Sinnlosigkeit dich vo dim Glaube ab z'bringe. Was mich jo denn gnau so schlecht wiänen Prediger wür mache. Zudem glaubsch du ehner dä einte 500 millione Lüt als mir. Schad, du bisch verlore imere ärmliche Idiologie wo i zuekunft immer meh uf Konflikt wird stosse. Chasch vo Glück redä läbsch nur geg die 80 Johr und "chunsch jo in Himmel" :)

zorg.ch #94578 by Squeezer @ 04.10.2006 14:46, edited @ 04.10.2006 14:50 - nach oben - traum, das isch s'erschtmol wo mir eine seit ich sig verlore und offe zuegit das er mich wött vom glaube abbringe :) also ich chan dir säge ich chan dir guet folge, nur sind dini ussage für mich kein grund nöd a gott zglaube. usserdem gseh ich keinerlei nochteil i mim glaube usserd das ich ab und zue wieder agfiggt werde aber das isch nüt neus. ahjo und ich gseh au keinerlei nochteil für dich wo du devo chönntsch wüsse wenn ich a gott glaube und du nöd. und ich han au längeri zit bible gläse und mir isch au viel vorgläse worde und ich chan nur säge zeig mer en mensch wo sones genials buech chan schribe, das chan nur dur gottes ifluss passiert si. du bringsch mich immer wieder dezue mir z'überlegge wieder mit läse azfange wels halt würkli nice isch.

zorg.ch #94579 by Eagle_Eye @ 04.10.2006 14:49 - nach oben - äs billigs märlibuech wo hunderti vo obsoleti sätz drin hät und sich immer mol wider selber widerspricht, ganz genial!

zorg.ch #94580 by Squeezer @ 04.10.2006 14:51 - nach oben - armer unwissender...

zorg.ch #94581 by Nice @ 04.10.2006 14:55 - nach oben - und du weisch?

zorg.ch #94600 by Squeezer @ 04.10.2006 15:26 - nach oben - nöd viel meh, aber ich chan mer schwer vorstelle das ers selber ernschthaft gläse hät, vo de behinderte sache woner verzellt

zorg.ch #94601 by Eagle_Eye @ 04.10.2006 15:28 - nach oben - da womer ide schuel gläsä händ, hät vollkomme glanget...

zorg.ch #94701 by tortevogel @ 05.10.2006 18:57 - nach oben - glaubi, im Konflager hani au no alles dra gsetzt am Pfarrer Manson CD's underzjuble und en abzfülle (was mer au gschafft hend). Was textlich so gloffe isch hett mi weder interessiert no hanis grafft.

zorg.ch #94582 by Eagle_Eye @ 04.10.2006 14:57 - nach oben - i gsehs nume realistisch. jede hobbyschriftsteller chönnt sones buech anelege. äs isch nöd wörkli spannend, me mues eifach ä chli ä komischi fantasie ha...

zorg.ch #94702 by tortevogel @ 05.10.2006 18:58 - nach oben - ouh joooh!! mer merkt das du dich mit de Materie usenand gsetzt hesch *Kopfschüttel*...

zorg.ch #94926 by grischa @ 07.10.2006 23:09 - nach oben - so wie etwas Ron Hubbard? SCNR

zorg.ch #94928 by tortevogel @ 08.10.2006 01:01 - nach oben - dasch doch dä Gründer vo Sciencetology, ode rhani jetzt en düränand? apropos, Grischa, ha hüt serstmol mit dim Brüäde rgredet. aso mit em Set, nöd dä Livio (mit dem bini id Sek). hehe, isch jo 180° anderst polt als i dä Livio in erinnerig han (isch aber au guät so :-D).

zorg.ch #94956 by grischa @ 08.10.2006 23:40 - nach oben - ich verglich dä hubbi no gern mit em paulus. während dä eint sini gschichte über dä xenu als seelefänger und sini Douglas DC-8 "ruumschiffli" gmacht het, het dä ander än as chrütz gnaglete zelote-führer, wo wiä dä binLaden aber selber kei aschläg gmacht het, mit ä chli mithras-kult gmixt, und zum lang prophezeite maschiach gmacht. und wieso apropos? wäs hend mini bruädere mit scientologytm ztue? i hoff emol gar nüd.

zorg.ch #94958 by tortevogel @ 08.10.2006 23:48, edited @ 08.10.2006 23:48 - nach oben - jo und während de einti anere historisch bewiesene Person nogloffe isch, hett de ander us luter Frust vo abgwiesene Sci-Fi-Romän e eigeti Religion wöllä gründe und hetts tatsächlich gschafft. Edit: apropos afach wege "grischa" und nöd wägä dä andere peoplez

Additional posts

zorg.ch #94700 by tortevogel @ 05.10.2006 18:56 - nach oben - los, wer mit so Sprüch um sich schmeisst söllig aber bitte au zeige was dra isch, anä mit dene Widersprüch :-)

zorg.ch #94712 by Nice @ 05.10.2006 23:00 - nach oben - z.b. da oder da oder da...

zorg.ch #94721 by [z]bert @ 06.10.2006 01:54 - nach oben - geil... aber der eine, wo die einen von 470'000 sprechen und die anderen von fünfhunderttausend... man kanns auch übertreiben!

zorg.ch #94745 by Nice @ 06.10.2006 10:32 - nach oben - ja, mängisch mues mer sich scho chli frage. aber denn gids settig wie "Der Sohn soll nicht tragen die Schuld des Vaters" und "Richtet die Schlachtbank zu für seine Söhne um der Missetat ihres Vaters willen"... vili devo sind aber unterschied vom alte zum neue testament, das mues mer au gse. da hed sich ja fascht die ganz philosophie gänderet. wobi sich denn au wider d'frag stellt, wieso gott gebot usegit und sie denn spöter komplett umkremplet...

zorg.ch #94748 by Squeezer @ 06.10.2006 10:50 - nach oben - ich würd au aluege ob die gebot jedesmal vo gott direkt si oder vom jewilige gsetzesgäber zu däre zit

zorg.ch #94752 by Nice @ 06.10.2006 11:16 - nach oben - wieso sötted hüt no gebot i de bibel sta, wo damals vom ne gsetzgäber bestumme worde sind?

Additional posts

zorg.ch #94790 by domi @ 06.10.2006 15:39 - nach oben - haiaiai. ihr glaubed nöd a gott, ihr findet d'bible doof, ... aber trotzdem gönder sache us de bible go läse nur zum zeige dass widersprüch din hät. hender i euere freiziit eigentli nünt z'tue als anderi kritisiere? ;)

zorg.ch #94791 by Nice @ 06.10.2006 15:52 - nach oben - ja, im momänt hani gnueg zit für so sinnlosi aktione :-) wobi so sinnlos findis äbe gar nid, versueche z'versta, wieso en grossteil vo üsere gsellschaft religiös isch.

Additional posts

zorg.ch #94808 by tortevogel @ 07.10.2006 00:31 - nach oben - bi jetzt au nonig dezue cho zum dLinks gnau azluege, ha gad chli viel ztuä (sogar am Samstig muäni schaffe, isch zum hüülä...). Aber nu churz zum Kontext hett de squeezer une scho was gseit. was du richtig bemerkt hesch isch AT vs. NT. dasch z.T. würklich 180° anderst! im AT werdet für viel Vergehe gwaltsami Strofe empfohle (wo übrigens au i nöd jüdische Länder normal gsi sind, Steinigunge etc.) und im NT wird vo jegliche Gwalt abgschwore, Jesus isch sogar sowit gange und hett gseit: Matthaeus 5:39 Ich sage euch aber: Leistet keine Gegenwehr, wenn man euch Böses antut! Wenn jemand dir eine Ohrfeige gibt, dann halte die andere Wange auch noch hin! ziemli straight... weso hett Gott sini Meinig so radikal gänderet? kai ahnig :-D cha nu erklärä was sich gänderet hett. Vor Jesus hend all Mensche müässe opfere, bzw. für sich opfere loh. Bluet gege Bluet sozsege. Mer hett Vergebig vo sinä Sündä (dasch e anderi Diskussion falls jetzt do nebert ihogge wott) nur chönä erreiche indem mer g'opferet hett. Denn hett Gott sin Sohn Jesus uf dWelt gstellt. Er hett do sini 30 Jöhrli als normale Mensch verlebt (plus minus mol e Aktion im Tempel woner scho als Chind glehrt hett), hett wies üblch gsi isch dä Bruef vo sim Vater glernt (Zimmermaa) usw. denn ischs aber emol gnueg gsi und er isch uszsoege, hett sich taufä loh, hett Lüt gheilt, isch vo Satan versuecht wordä usw. kennt mer jo nöd wohr. denn isch er anstell vomne Opferlamm "symbolisch" für üsi Sünde am Chrüz, vollkomme unschuldig und sündefrei gstorbe und hett demit alli wo a en glaubet und sim Weg folge wönd (nei, nöd s'chrüzige loh, de kuhl teil vo sim Lebe meini) grettet. sooo, ultrachurzversion wär das gsi. hoffentli hani nix düränand brocht. bi scho "ächli" müäd, aber morn chumi eh nöd dezuä. schaffe & Hochzit & Musicalprobä & denn früäh is Nest

zorg.ch #94814 by Nice @ 07.10.2006 12:11 - nach oben - aber das isch doch scho wider en widerspruch in sich. jesus spricht sich gäge oper us, seit mer sölls nid mache (wülls nüt bringt?) sondern en bessere, friedliche wäg ga. und denn opferet er sich sälber für d'mänschheit. es schöns vorbild, dä jesus...

Additional posts

zorg.ch #94583 by [z]keep3r @ 04.10.2006 14:58, edited @ 04.10.2006 14:59 - nach oben - illuminatus-trilogie vom robert anton willson hitchhikersguide to the galaxy vom douglas adams um nur mol zwei autore znenne..

zorg.ch #94602 by domi @ 04.10.2006 15:29 - nach oben - ui, du wirsch agfiggt well religiös bisch? i finds verdammt schö, wenn öper a öpis "eifach so" chan glaube. ich chas definitiv nöd. aber i loh dene lüüt eren glaube und figgs sicher nöd druf a. hät jo schliesslich jede s'recht, a das z'glaube wa er wött. i sine auge isches jo s'richtige. und niemols en grund agfiggt z'werde...

zorg.ch #94703 by tortevogel @ 05.10.2006 18:59 - nach oben - AMEN! hehe

zorg.ch #94699 by tortevogel @ 05.10.2006 18:55 - nach oben - traum, das isch s'erschtmol wo mir eine seit ich sig verlore und offe zuegit das er mich wött vom glaube abbringe :) ooch, red mol mit Wicca- & Pagan-Ahänger, die ach so friedliche NeoKeltereligione leget es ussergwöhnlichs Missionspotential an Tag... (btw. wiä chamer do inä aständig quote?)

zorg.ch #94568 by Eagle_Eye @ 04.10.2006 14:24 - nach oben - nume wel dir öppert öppis seit glaubsch du dra? wenn i dir wör sägä das i chan umeflüge wie dä superman, glaubsch mer da au?