bi dem gohts um e liebeserklärig zwüsched zwei nodelbäum. und zwor goht da nur im winter. de eint wür denn eifach, wenns mol chli windet, sini äscht a dene vom andere wuschle. denn würs natürli au bald chli feschter winde, und bald emol tät chli schnee vom einte ascht uf ein vom andere baum gheie, und vo dött us no witer abe und so. und wenn alle schnee abegheit wär, denn würs nacht werde, und au u windstill, und nur de fuchs und de haas wür mer ghöre, wo sich guet nacht zuerülpsed (wöls bsoffe sind (und drum d'bäum au nöd stored (högschtens drapissed))). d'sunne wür denn noch ere klare sternenacht vo vogelgezwitscher ufgoh, und alli einzelne nödeli vo de zwei bäum würde es tautröpfli draha und uf de ander baum tröpflä - und nöd nur d'chüe uf de andere sitä vom hügel, wo umeglöggled und breaked und headspinned, würed vermuete, wa echt i dere wundervolle nacht alles gscheh isch.
bi dem gohts um "1000 mal berührt, nichts passiert", hä. und zwor gits jo uu viel ähnlichi lüt, und die hend immer wieder mitenand z'tue. so gohts au am herr und frau wasserstoff. aber bim nornale gschäft chömed sie sich nie nöcher, als de knigge das erlaubt. denn hets de zuefall aber mol wölä, dass alli wasserstöff zuemen ball glade gsi sind. d'menschheit isch kabutt, mir kenneds jo, und es git dank de inzucht jenschti "wasserstoffs" - wohrlich e grossi familie, hä *huescht*. a dem ball isch es zerscht nöd eso, aber mit de zyt immer heisser und schneller zue und her gange. alli hend sich um die heissischte versammlet, und i rhytmische kreisbewegige agfange rundumeztanze. mer chönnti meine, es seg happyhour im halligalli gsi, aber isch es nöd - wöl gad so unartig sind d'wasserstöff nöd gsi. sie hend sich sehr ifüehlsam und aspruchslos alli gegenüber allne glich verhalte, und sich alli zeme riiesig gfreut, dass es so schön isch a dem ball. sie hend gin orange gleert wie wasserfäll, und sich stories über ihres lebe verzellt - d'attraktione sind die fette herre gsi, die mit de chriegsverletzige. sie hend nämli bi verganene chugelhagel ein bis zwei neutrone in ranze übercho, wo au mit modernschter medizin operativ nümä z'entferne sind. sie sind immer dichter, und somit immer kontaktfreudiger worde, und denn isch es passiert, und zmitzt i de mitti vo dere chugle voll erfüllter und allisamt verliebter elementarhippies hends sich agfange verschmelze. immer wiiter hett da um sich griffä, und i chürzeschter zyt sind alli mitibezoge worde, egal ob chli oder gross, alt oder jung, grüe oder blau und egal ob ahorn- oder roseduft. und so isch s'zytalter vo de heissverliebte chügeli entstande, i dem mir hüt no lebed. und da hett sich umegsproche, und sich denn au a vielne orte wiederholt, und so gits die liebe gmeinschafte jetzt au i verschiedenschte farbe.
da isch chli es frisches, muesch di viellicht warm aleggä.
bi dem gohts um zwei rosaroti flügosaurierfedere. und zwor sind die am flügosaurier mol abgheit, wöll ihm neui gwachse sind. und just i dem moment isch en uu starche, chüele wind cho, und hett die beide wegtreit vo ihrer chline, luschtige insle, wo de flügo immer drumume gfloge isch - wöl er angscht gha hett, übers meer zflüge (wie de hans, wo sich nöd getraut, vom fernseh wegzgoh ;). komischerwiis het sich i de erdatmosphäre en riss im rumzytkontinuum bildet, und de wind hett die lässä federli gradewegs döt ineblost. denn sinds halt fascht uf c beschleuniget worde, und wos im himalaya-gebirge wieder usecho sind, hetts so en brutale rückstoss geh vo de luft, dass sie sich gad u fescht anenandklammeret hend, und dur d'riibig a de luftteili - wo ihne natürli sehr gfalle hett - hetts ene nöd nur beiden de arsch verbrennt, nei, sie sind au zemegschmolze. und denn, als wär da nöd scho gnueg unüblich, hends halt, wöl d'gravitation da so wölä hett, au no zur landig ufeme lange, grade schneefeld zwüsched de beide hübsch verschneite teil vom schmuläwäldli agsetzt. da hett ene denn gwüssi gliedmasse igfrore, so dass sie sich gad no nöcher anenandkuschlet hend. dur ihri hitz hends aber, wos denn endlich mol zum stillstand cho sind, de schnee rund um sie ume gad gschmolze. und wa gspüred do ihri fine faseräugli ufzmol under ihrne körper? richtig, es wiiters päärli rosaroti flügosaurierfedere. sie seged schinz ein luftzug früehner cho, und denn do chli igschneit worde. da mues es wunder si, denked d'federli, wöl nöd nur hend die einte die andere us em schnee befreit - nei, sie sind jetzt au z'vierte hrhr.
chunnt mir gad en spruch in sinn, woni am kongress gseh ha: "nen geek, der langeweile hat, ist kaputt"
nei, enart bini gad am züglä, und mue bis hüt obig, bzw. bis i wenige stund mis zimmer ussortiert und verpackt ha. richtig, da isch da zimmer, wo no nie i sim läbä ornig gseh hät.
aber i kenn jetzt nüt uf dere welt, wo wür verhindere chöne, dass mer ab und zue mol uf zorg verbiluegt.
